Tur 1 - Jonshaugen
Frå dette utsiktsiktpunktet får du ein mektig oversikt over nordre og søre hamn på Silda. Du får også utsikt til skipsleia sørover Ulvesundet, nordover til den heilage øya Selja og ikkje minst får du ei flott utsikt til Sildagapet og skipsleia vestover havet og Stadhalvøya. Ein tur som er verkeleg verdt å ta.
Tur 2 - Kultursti
Kulturstien rundt Silda er ein godt merka og opptråkka sti. Turen startar ved den asfalterte vegen og stien er godt merka. Turen startar på austsida av øya og vil føre det til vestsida av øya kor du får utsikt til Sildagapet før turen ender igjen på austsida av øya. Nokre parti kan vere våte så godt skotøy er anbefalt. Halvvegs på turen kjem du til rasteplassen «Marteræva» kor det er plassert rastebenk og turbok.
Tur 3 - Tyskarhola
Under andre verdskrig var det eit stort organisert motstandsarbeid på øya Silda. Blant anna vart det frakta og skjult engelske agentar, samt våpen og ammunisjon. I den naturlege berghola på austsida av Silda vart våpena og ammunisjonen skjult. Ta turen og sjå denne hola
Tur 4 - Furevika
På den idylliske men veglause plassen «Furevika» var der i mange år eit småbruk. Der levde fiskarbonden og familien hans. Behov for veg og tilgang til båtplass førde til at staden vart fråflytta. Namnet «Furevika» har den truleg fått av dei gamle furuen som fortsatt står. Plassen er også ein del av kulturstien og absolutt verdt ein tur.
Tur 5 - Moloanlegget
Moloanlegget på Silda er freda av Riksantikvaren og det med god grunn. Moloen er eit kunstverk i seg sjølv og eit byggverk som verkeleg syner anleggsarbeid av stor kvalitet. Moloane er bygde i to etappar, den inste delen er bygd på 1880-talet og den yste er bygd på 1920-talet. Vegen til moloanlegget er lett tilgjengeleg og ein tur på dette anlegget er absolutt å anbefale.
